Մեկնարկել է «ArmNet 2011» հայկական կայքերի մրցույթը

**AMzone** · 17.11.2011, 03:39

Այսօր մեկնարկել է «ArmNet Awards 2011» համահայկական ինտերնետային մրցույթը և «ArmNet 2011» միջոցառումների շարքը, որոնք կազմակերպվում և իրականացվում են SP Marketing Solutions, Orange Արմենիա ընկերությունների և Հայաստանի Ինտերնետ Հանրություն ՀԿ կողմից:

ArmNet 2011-ի շրջանակում կանցկացվեն Հայաստանում ինտերնետի զարգացմանը նվիրված 3 միջոցառում, որոնցից երկուսն առաջին անգամ անցկացվել են նախորդ` ArmNet 2010-ի շրջանակում, իսկ վերջինը Հայաստանում այս տարի տեղի է ունենալու առաջին անգամ:

«Armnet 2011»-ը կոչված է գնահատել տեխնոլոգիաների հանրայնացման հետ մեկտեղ` ինտերնետի հայկական սեգմենտում կատարված առաջընթացը, խրախուսել հայկական կայքերի բովանդակային զարգացումը և նպաստել նոր ընկերությունների ստեղծմանը:

Նախագծի միջոցառումներից առաջինը` «Armnet Awards 2011» hայկական ինտերնետ-կայքերի մրցույթն է, որի նպատակն է բացահայտել և պարգևատրել լավագույն հայկական ինտերնետային կայքերը:

Մրցույթի արդյունքում մրցանակներ կտրվեն 8 լավագույն կայքերին հետևյալ անվանակարգերում.
• Դիզայն և հարմարավետություն
• Նորարարություն
• Տեխնիկական կատարում
• Բովանդակություն
• Տարվա առաջընթաց
• Գլխավոր մրցանակ (բոլոր անվանակարգերում ժյուրիի կողմից առավելագույն թվով ձայներ ստացած կայքը)
• Ժողովրդական ընտրություն (ըստ հանրային քվեարկության)
• Orange-ի կողմից սահմանաված մրցանակ` լավագույն մոբայլ կայքի համար

«Armnet 2011» ինտերնետային մրցույթն անց է կացվելու մեկ փուլով, որի ընթացքում ժյուրիի անդամները կուսումնասիրեն և կգնահատեն բոլոր առաջադրված կայքերը և կընտրեն հաղթողներին` ըստ անվանակարգերի, ինչպես նաև կորոշեն մրցույթի գլխավոր մրցանակակրին:

Ժյուրիի ընտրությանը զուգահեռ կանցկացվի SMS քվեարկություն, որն իրականացվում և ապահովվում է Nikita Mobile ընկերության կողմից: Բոլոր այցելուները SMS հաղորդագրության միջոցով կկարողանան քվեարկել իրենց նախընտրած կայքի համար: Քվեարկելու համար պետք է հեռախոսահամարից ուղարկել SMS 10-41 կարճ համարին (1 SMS-ի գինը` 50 դրամ, ներառյալ ԱԱՀ), բովանդակության մասում նշելով նախընտրած մասնակից կայքի մասնակցության հատուկ համարը: Մեկ կայքի օգտին յուրաքանչյուր բաժանորդ կարող է քվեարկել միայն մեկ անգամ, սակայն նույն բաժանորդը կարող է քվեարկել այնքան թվով կայքերի օգտին, որքան կցանկանա: Քվեարակության արդյունքում ամենաշատ ձայներ հավաքած կայքը կճանաչվի «Ժողովրդական ընտրություն» անվանակարգի հաղթող:

Մրցույթի արդյունքները կամփոփվեն դեկտեմբերի 3-ին կայանալիք մրցանակաբաշխության ժամանակ:

«Վստահ ենք, որ կկարողանանք վերստեղծել այն հետաքրքիր ու դինամիկ մթնոլորտը, որ կար ArmNet 2010-ի ժամանակ, և այս տարի նույնպես մրցույթը թույլ կտա բացահայտել և ճանաչել հայ մասնագետների կողմից ստեղծված նոր և որակյալ կայքեր, որոնք անհայտ կմնային հանրությանը առանց ArmNet-ի, ճիշտ այնպես, ինչպես օրինակ Փարաջանովի թանգարանի կայքն անցյալ տարի»,- նշել է SP Marketing Solutions ընկերության տնօրեն Հայկուհի Տաքսիլդարյանը այսօր կայացած ասուլիսի ժամանակ:

«Մենք ուրախությամբ ենք միանում այս նախագծին, որը մեր կազմակերպության համար յուրօրինակ փորձ է լինելու: 1997թ. ի վեր Հայաստանի Ինտերնետ Հանրություն ՀԿ-ն կառավարում է ինտերնետի Հայաստանյան դոմենը և իրականացնում տարբեր ծրագրեր ոլորտը զարգացնելու համար: Մեզ համար այսօր մեծ հետաքրքրություն է մասնակցել և աջակցել վեբ կայքերից լավագույնների գնահատմանը: Այսպիսի նախագծերը կարևորագույն դեր են խաղում Հայաստանի ՏՏ ոլորտի զարգացման և առաջխաղացման գործում»,- ասել է «Ինտերնետ հանրություն» ՀԿ-ի նախագահ Իգոր Մկրտումյանը:

Մրցույթին գրանցման և մասնակցության մասին բոլոր մանրամասները կարելի է գտնել ArmNet 2011-ի պաշտոնական կայքում` www.armnetawards.am։

ArmNet 2011-ը նաև ներառում է ինտերնետին և բարձր տեխնոլոգիաներին նվիրված կոնֆերանս, որը տեղի կունենա դեկտեմբերի 3-ին: Կոնֆերանսին կմասնակցեն հրավիրված մասնագետներ ինչպես Հայաստանից, այնպես էլ արտերկրից: Կոնֆերանսի խորագիրն է «Նորագույն միտումներ. շարժական ինտերնետ, ամպային տեխնոլոգիաներ»:

ArmNet կոնֆերանսի շրջանակում այս տարի ելույթ կունենան ՏՏ ոլորտի այնպիսի միջազգային ականավոր մասնագետներ, ինչպիսիք են Begun կազմակերպության կոմերցիոն տնօրեն Դմիտրի Դանիլենկոն, Google-ի ռուսաստանյան մասնաճյուղի ավագ վերլուծաբան Ստանիսլավ Վիդյաևը, Twitter-ի ծրագրային հավելումների զարգացման գլխավոր մենեջեր Րաֆֆի Կրիկորյանը, France Telecom-ի պորտալների և NExT ապրանքների գծով փոխտնօրեն Թոմաս Կոլերը, Artviko-ի գլխավոր գործընկեր Յարոսլավ Գրեշիլովը, Opera Software /ԱՊՀ/ կազմակերպության hանրային կապերի մենեջեր Վլադիմիր Իսաևը և այլոք:

«ArmNet 2011-ն ունի խիստ ներկայացուցչական կազմով ժյուրի և շատ հետաքրքիր բանախոսներ: Այս մարդկանց համաժամանակյա ներկայությունը Երևանում կօգնի ստեղծել բացառիկ միջավայր, որտեղ հայ մասնագետները կարող են մտքեր և այցեքարտեր փոխանակել իրենց հանրաճանաչ գործընկերների հետ: Որպես ինտերնետ ծառայություններ մատուցող ընկերություն, որն առաջատարն է շարժական ինտերնետի ոլորտում` մենք մեզ պատասխանատու ենք զգում նաև Հայաստանում վեբ միջավայրի կատարելագործմանն աջակցելու գործում: Ուրախ ենք արդեն երկրորդ տարին շարունակ լինել Հայաստանում ինտերնետի այս մեծ տոնը նախաձեռնողներից»,- ասել է Orange-ի գլխավոր տնօրեն Բրունո Դյութուան:

Այս տարի առաջին անգամ Հայաստանում ArmNet 2011-ի շրջանակներում տեղի կունենա նաև «Start-Up Weekend Yerevan» նորարար նախագծերի մրցույթը, որի նպատակն է մեկ հարկի տակ միավորել Ինտերնետ ոլորտի էնտուզիաստներին, որոնք շուրջ 3 օր ներկայացնելու և թեսթավորելու են իրենց նորարար նախագծերն ու մտահղացումները Ինտերնետի ոլորտում:

Նախաձեռնության նպատակն է բարձր տեխնոլոգիաների ոլորտում ձեռներեցության ու նոր տեխնոլոգիական ընկերությունների ստեղծման խթանումը Հայաստանում: Կազմակերպիչները հույս ունեն, որ «Start-Up Weekend Yerevan» նորարար նախագծերի մրցույթի շնորհիվ Հայաստանի նորարարական ընկերությունների շարքին կմիանան նորաստեղծ ընկերություններ, ինչը գործուն ներդրում կլինի նորարարական տնտեսության կայացման և զարգացման գործում:

Աղբյուր: Tert.am

**chelovek84** · 25.11.2011, 01:57

Մրցույթը միանշանակ ողջունելի է թեկուզ կայքերի որակի բարձրացման առումով։

**AMzone** · 25.11.2011, 02:38

chelovek84-ի խոսքերից

Մրցույթը միանշանակ ողջունելի է թեկուզ կայքերի որակի բարձրացման առումով։

Մեր? եթ իրանց?
արդեն 2 տարին է այս մրցույթը իրականացվում է, և երկու անգամն էլ անմակարդակ եղանակով:

**chelovek84** · 26.11.2011, 20:42

Դե Հայաստանում ցանկացած ընտրություն/sms քվեարկություն/մրցույթ անց է կացվում արդեն նշեցիք թե ինչպես։

**AMzone** · 26.11.2011, 21:08

chelovek84-ի խոսքերից

Դե Հայաստանում ցանկացած ընտրություն/sms քվեարկություն/մրցույթ անց է կացվում արդեն նշեցիք թե ինչպես։

Իմ կարծիքով մրցույթը ունի հետին միտք, անցկացնել այնպիսի մի բան, որը ողջունելի կլինի հանրության կողմից, և մեծ հովանավորչություն կունենա:
Հովանավոր ունենալուց էլ արդեն եկամուտ կունենան, անցկացման համար գումարներ կտրամադրվեն, մի փոքր մաս կհատկացվի մասնակիցներից միքանիսին, լրատվությամբ մնացած այլ կերպ կգովազդվի, և իրեն արդարացված մրցույթ կդրսեևորվի:

Ինձ հետաքրքիր է, ոնց է կատարվում քվեարկությունը, իրենց կայքը մոտ 4-5 րոպե ժամանակում է բեռնվում:
Կայքերի նկարագրությունը շատ անճոռնի է, իրենց դիզայնը ընդհանուր ևս, չհաշվելով մասամբ պատկերներ:
Ինչ կապ ունեն կայքեր, որոնք կոմերցիոն են և ներկայացնում են ինչոր ընկերություն՞՞ ու այդպես շարունակ:

**chelovek84** · 27.11.2011, 01:55

Դիտեցի մասնակից կայքերի ցուցակը։ Տպավորությունս այնպիսին է, որ մեծամասնությունը մասնակցում է ոչ թե հաղթելու, այլ իրենց կայքը ռուսերեն ասած «раскрутка» անելու համար։

**AMzone** · 28.11.2011, 14:11

Արդեն պարզ է, ոնց է քվեարկությունը:
Նոր մի քվեարկելու հղումով մտա, և տեղա, որ քվեարկությունը sms-ով է:
SMS-ի արժեքը 50դրամ, չեմ կարծում, որ դա ամենաարդիական տարբերակն էր:

**chelovek84** · 29.11.2011, 00:33

SMS քվեարկությունը միայն «Ժողովրդական ընտրություն» անվանակարգի համար է։ Մնացած անվանակարգերում ժյուրին է որոշելու հաղթողին։

**Universe** · 30.11.2011, 12:51

Լավ է... ԼԱաաավ էէէէ.. Սրանք ոչ մի բան էլ ոչ կարում են կազմակերպեն, ոչ էլ...
առաջինը իրանք են իրանց ռասկրուտկա անում... Առմ Նետ Ավարդս... հա որ ինչ...